Den Aarbechtsminister Georges Mischo schwätzt nach laang net mat jidderengem um Telefon - just mam Premierminister. Déi aner kënnen him de Bockel erofrutschen, a landen op der Mailbox. 

De Minister Mischo hieft wuel den Telefon op. Awer nëmme wann d’CSV-Hierarchie um Display steet. Sou konnt een et kierzelech am Wort liesen.

Gewerkschaften? Mailbox.

Chômeuren? Automatesch Stëmm: "Bleift um Apparat..."

Sportsfunktionären? Ginn zréckgeruff, wann d’CSV Zäit huet.

D'Ausso vum Minister werft Froen op: Hieft de Georges och net op, wann seng Conbubine urifft, déi, wéi d'Wort schreift, elo am Verwaltungsrot vun der Coque sëtzt? Oder gëtt doheem just mam Kapp gewénkt, ganz ouni Telefon?

Vläicht hieft hie jo selwer den Telefon guer net op. Vläicht mécht seng Sekretärin dat. Oder eng KI, déi all Uriff mat engem CSV-Algorithmus no politescher Relevanz filtert: „Net relevant. Net wichteg. Net Premier.“

Ass de Georges Mischo éiere schonn esou ofgehuewen, datt hie keen Telefon méi brauch? Ass den Telefon guer net méi geduecht fir opzehiewen, mee just nach als Dekoratioun, nieft dem gëllenen CSV-Wopen?

Gëtt et fir de Georges just eng Nummer mat VIP-Zougang, an zwar déi vum Premier? A wat geschitt, wann de Premierminister mol net urifft? Waart de Georges Mischo dann op sech selwer, bis hien sech wichteg genuch fënnt fir opzehiewen?

Eppes sief dem Georges Mischo an d'Stammbuch geschriwwen: Een, deen nëmmen ophieft, wann de Premier urifft, vergësst d’Stëmm vun deenen, déi ni uruffen.

Och interessant: