No den Treffe mat de Gewerkschaften den 9. a 14. Juli an dem CSV-Grillfest den 10. Juli stelle sech vill Leit d’Fro: Wat ass eigentlech nei um neie Luc?
"Luxembourg Jungle" ass dëser brisanter Fro nogaangen – an ass op een iwwerraschende Phänomen gestouss.
Sozialdialog? Moie Misch! Als Hobbykach, weess de neie Luc, wéi en sech uleet. Schliisslech war RTL scho bei him doheem fir nozekucken an ze filme, wéi hie kacht. Seng Spezialitéit? Gulasch, dee gutt laang brutschele gelooss gëtt, bis e mëll ass a quasi zerfällt.
Oh wéi gnädeg! De neie Luc huet sech erbaarmt: D'Gewerkschaften däerfen dann awer bei de Verhandlunge vu Kollektivverträg matschwätzen. Wat fir eng politesch Gnod vum schwaarzen Himmel!
"Vivre ensemble" zu Lëtzebuerg: hei wäscht eng Hand déi aner an een heemelt deem aneren iwwert de Käppchen.
Gewerkschaften an d'Monarchie an engem Otemzuch nennen? Kee Problem! Well am Grand-Duché gëtt net tëscht Klassekampf a Kréinungszeremonie gewielt - et bestellt ee béides à la carte.
An enger Welt, wou den Aarbechtsminister op eemol spuerlos verschwënnt, bleift d'Fro: Huet de Georges Mischo Angscht virum Mikro oder virum Sozialdialog?