Konscht & Kultur · 29. September 2025

Hie war fréier de Fluch vun de Schüler, déi "subjonctif" mat "subversiv" verwiesselt hunn. Haut ass hien de romanteschste Rebell an der KI-Musekszeen: de Jeannot Scheer, pensionéierte Franséischproff aus dem LTMA, Poet mat Häerz, an elo - dank Suno-AI - Sänger ouni Stëmm. Säin Album "Failing in Love" ass eng Rees duerch romantesch Katastrophen, alldeeglech "Prüfungen" a poetesch Lidder, déi vun enger kënschtlecher Intelligenz a Musek ëmgesat goufen.