Gestëppels · 21. Juni 2025
D’EU wëll d’Bëscher a virun allem d’Tropebëscher retten. Lëtzebuerg wëll awer dovu näischt wëssen. Lëtzebuerg beweist international Verantwortung, andeems et sech strikt géint de Schutz vum Bësch stellt a resolut géint d'EU-Reglement fir d’Erhale vun de Bëscher virgeet. D'Landwirtschaftsministesch Martine Hansen (CSV) an den Ëmweltminister Serge Wilmes (CSV) si sech eens: Schluss mat där topescher Panikmaacherei! Keng Tropen, kee Problem - esou mécht ee Politik!
Gestëppels · 14. Juni 2025
Ech sinn dragaangen. Well ech et kann. Well kee mir seet, wéini Waasser geféierlech ass. Also, ech soen et direkt: Ech hunn et gemaach. Ech sinn haut, de 14. Juni 2025, moies fréi um 6:42 Auer an de Stauséi gesprongen - trotz de Bloalgen. Well d'Waasser och meng Fräiheet ass. D'Regierung ka mir villes verbidden, awer net mäi Wonsch, mech selwer ze vergëften.
Gestëppels · 06. Juni 2025
Wee kontrolléiert de Lëtzebuerger Bësch? D'Jeeërfederatioun setzt sech duerch: Champignonspléckerten, Naturfotografen a Wanderer geroden an d'Viséier vun de Jeeër. Déi nei Reegelunge schränken den Accès an de Bësch zolitt an – zugonschte vun de Jeeër. Eng Satir iwwert d'Generalversammlung vun der FSHCL den 31. Mee 2025 zu Mäerzeg.
Gestëppels · 13. Mai 2025
Firwat sech mat alldeeglechen Transportmëttelen ewéi Zich oder Elektroautoen erëmschloen, wann een déi 200 Kilometer vu Bréissel op Lëtzebuerg och gemittlech am luxuriéise Privatjet zréckleeë kann? D'Queen Ursula von der Leyen beweist op eng beandrockend Manéier, datt nohalteg Politik am beschte vun enger komfortabeler Liederbänk iwwert de Wolléken aus méiglech ass.
Gestëppels · 05. Oktober 2024
Wee seet dann, datt den neie #Luc näischt fir eis Ëmwelt iwwreg hätt? Gëschter koum déi spektakulär Nouvelle: D'Regierung huet den Zigarettestëmp de Kampf ugesot!
